اسلام آباد: سابق وزیراعظم نواز شریف پانچ کالے بکروں کا صدقہ دینے کے بعد پنجاب ہاؤس سے لاہور روانہ ہوئے۔
سپریم کورٹ کی جانب سے نااہل قرار دیے گئے سابق وزیراعظم نواز شریف نے کسی بھی مصیبت اور پریشانی سے بچنے کے لیے اسلام آباد کے پنجاب ہاؤس میں پانچ کالے بکروں کا صدقہ دیا جس کے بعد وہ (ن) لیگ کے رہنماؤں اور کارکنوں کے ہمراہ جلوس کی شکل میں لاہور روانہ ہوئے۔
واضح رہے کہ نوازشریف کیلئے خصوصی بم پروف کنٹینر بنایا گیا ہے جس میں گھر جیسی تمام سہولیات موجود ہیں۔ کنٹینر میں اے سی، بیسن، پانی، بیت الخلاءاور دیگر ضروریات شامل کی گئی ہیں جب کہ آرام کے لیے علیحدہ حصہ بھی بنایا گیا ہے۔
