لاہور( ویب ڈیسک )پاکستان مسلم لیگ ن کے قائداور سابق وزیراعظم نوازشریف کی طبی بنیادوں پر 6 ہفتے کیلئے ضمانت پررہائی کی مدت مکمل ہو گئی ۔سابق وزیراعظم آج پھر کوٹ لکھپت جیل واپس جائیں گے ۔نوازشریف جلوس کی صورت جیل جا کر گرفتاری دیں گے۔ مسلم لیگ ن کی ترجمان مریم اورنگزیب کا کہنا ہے کہ مریم نواز اپنے والد کو رخصت کریں گی اور جلوس کی قیادت کرینگی ۔تفصیلات کے مطابق پاکستان مسلم لیگ ن کے قائداور سابق وزیراعظم نوازشریف کی طبی بنیادوں پر 6 ہفتے کیلئے ضمانت پررہائی کی مدت مکمل ہو گئی ۔سابق وزیراعظم آج پھر کوٹ لکھپت جیل واپس جائیں گے ۔نوازشریف جلوس کی صورت جیل جا کر گرفتاری دیں گے۔ مسلم لیگ ن کی ترجمان مریم اورنگزیب کا کہنا ہے کہ مریم نواز اپنے والد کو رخصت کریں گی اور جلوس کی قیادت کرینگی ۔ مسلم لیگ ن کے مرکزی رہنما حمزہ شہباز بھی ان کے ہمراہ ہونگے اورسابق وزیراعظم کی گاڑی چلائینگے۔مسلم لیگ ن کی ترجمان مریم اورنگزیب کا کہنا ہے کہ نوازشریف کا قافلہ شام ساڑھے 5بجے جاتی امراسے جیل روانہ ہوگا۔ سابق وزیراعظم سے اظہار یکجہتی کیلئے 10 مختلف مقامات پر کیمپ بھی لگائے جائیں گے۔ ترجمان ن لیگ کا کہناہے کہ مریم نوازگاڑی میں نوازشریف کےساتھ موجودہوں گی اورآخری حدتک والد کے ساتھ رہیں گی۔ لیگی ذرائع کا کہنا ہے کہ حمزہ شہباز بھی نوازشریف کے ہمراہ ہوں گے اورسابق وزیراعظم کی گاڑی چلائیں گے ۔ سابق وزیراعظم نواز شریف کی ضمانت پر رہائی کے 6 ہفتے مکمل ہوگئے جس کے بعد وہ آج کوٹ لکھپت جیل منتقل ہوں گے۔ یاد رہے کہ سابق وزیراعظم نواز شریف کو سپریم کورٹ نے 6 ہفتوں کی ضمانت دی تھی جس کی مدت آج رات 12 بجے ختم ہورہی ہے۔ سابق وزیراعظم افطار کے بعد جلوس کی شکل میں کوٹ لکھپت جیل جا کر گرفتاری دیں گے جب کہ جلوس کی قیادت مریم نواز کریں گی۔ ذرائع محکمہ داخلہ پنجاب کے مطابق نواز شریف کو شام پانچ بجے سے پہلے کوٹ لکھپت جیل پہنچنے کی ہدایت کی گئی ہے جب کہ محکمہ داخلہ پنجاب نے تنبیہ کی ہے کہ جلوس کی شکل میں جیل جانا عدالتی احکامات کی خلاف ورزی ہوگا۔ مسلم لیگ (ن) کے رہنما رانا ثناء اللہ کا کہنا ہے کہ عدالت کی جانب سے 7 مئی کی رات 12 بجے تک نواز شریف کو ضمانت دی گئی تھی تو وہ 5 بجے جیل کیوں پہنچیں۔ انہوں نے کہا کہ نواز شریف کا جیل جانے کے لیے پروگرام پہلے ترتیب دیا جاچکا ہے۔ دوسری جانب مسلم لیگ (ن) کی تنظیم نے فیصلہ کیا ہے کہ سابق وزیراعظم کی صاحبزادی مریم نواز والد سے اظہارِ یکجہتی جلوس کی قیادت کریں گی۔ ن لیگ کی سیکریٹری اطلاعات مریم اورنگزیب کا کہنا تھا کہ مریم نواز اپنے والد کو رخصت کریں گی اور وہ والد کے ساتھ گاڑی میں موجود ہوں گی۔ یاد رہے کہ سپریم کورٹ سابق وزیراعظم نواز شریف کی ضمانت کی مدت میں توسیع کی درخواست بھی مسترد کرچکی ہے۔ مسلم لیگ (ن) کی نائب صدر مریم نواز کا اپنی ٹوئٹ میں کہنا تھا کہ جتنا کٹھن فیصلہ ایک باپ کا بیٹی کا ہاتھ تھامے جیل جانے کا تھا، اتنا ہی کٹھن ایک بیٹی کا اپنے محبوب والد کو جیل چھوڑ کر آنا ہے لیکن میں جاؤں گی۔ مسلم لیگ (ن) کے رہنما آصف کرمانی کا کہنا ہے کہ نوازشریف کی صحت ٹھیک نہیں لیکن اس کے باوجود وہ جیل منتقل ہوجائیں گے۔
