پیپلز پارٹی کے سینئر رہنما سینیٹر اعتزاز احسن کا کہناہےکہ میاں نواز شریف قانون اور قانونی ضابطوں کے بند کمرے میں پھنس چکے ہیں اور اب ان کے پاس اب نکلنے کا کوئی راستہ نہیں بچا۔لاہورمیں تقریب سے خطاب کرتے ہوئے اعتزاز احسن نے کہا کہ میاں صاحب کہتے ہیں کہ انکے ساتھ انصاف نہیں ہو رہا، جبکہ انہیں تو وہ عدالتیں بھی رہا کر رہی ہیں جو رہا کرنے کا اختیار ہی نہیں رکھتیں۔ان کا کہنا تھا کہ جو احتساب سندھ میں، وہی پنجاب میں بھی ہونا چاہیے جبکہ شریف خاندان کے پاس اپنی بے گناہی کا کوئی ثبوت نہیں، اس لیے سارے معاملے کو متنازع بنانے پر لگ گئے ہیں۔انہوں نے مزید کہا کہ وزیر اعظم سمیت ساری کابینہ لندن میں بیٹھ کر میاں صاحب سے ملاقاتیں کر رہے ہیں، جو کہ نیب اور ا س کے نئے چیئرمین کا مزاق اڑانے کے مترادف ہے۔
