ننکانہ صاحب(زاہد اعوان)پنجاب ٹیچر یونین ضلع ننکانہ صاحب کے زیر اہتمام ننکانہ ٹریفک حادثے میں جاں بحق ہو نے والے معصوم طلباء کے لئے ضلع بھر میں دعائیہ تقاریب کا انعقاد کیا گیا جن میں ضلعی صدر چوہدری منیر انجم ،سینئر نائب صدر نصرا للہ تارڈ ،جنرل سیکرٹری فیاض انجم ،نائب صدر پیر محمد شہزاد ،جوائنٹ سیکرٹری عبد الحق سیفی اور انفارمیشن سیکرٹری رانا محمد اسلم سمیت ضلعی ،تحصیل اور مراکز کے عہدیدران نے شرکت کی ،مختلف سرکاری تعلیمی اداروں میں ہو نے والی ان تقاریب کے دوران ننکانہ مانانوالہ روڈ پر ٹریفک حادثے میں جاں بحق ہو نے والے معصوم طلباء کی مغفرت اور بلند درجات کے لئے دعا کی گئی ،اس موقع پر جاں بحق طلباء کے لواحقین کے لئے صبر جمیل کی بھی دعا کی گئی ،تقاریب سے خطاب کرتے چوہدری منیر انجم ،فیاض انجم اور دیگر مقررین نے کہا کہ علم کی تلاش کے لئے گھروں سے نکلنے والے یہ معصوم فرشتے آخری سفر پر روانہ ہو گئے ،وہ شہید ہیں جو حصول علم کے لئے گھروں سے نکلے تھے ۔نبی رحمت ﷺ نے ہر انسان کو نصیحت کی تھی کہ وہ گود سے لے کر گور تک علم حاصل کریں اور یہ ننھے پھول اسی حدیث کی روشنی میں علم کے حصول کے سفر پر روانہ ہوئے تھے کہ وہ آخرت کے سفر پر روانہ ہو گئے
