گوجرخان(نمائندہ خصوصی) سینئر راہنما مسلم لیگ ن دولتالہ نعیم نواز کیانی ترکی سپین ، فرانس سمیت یورپ کے خوبصورت شہروں کے بھرپور دورہ کے بعد وطن واپس پہنچ گئےوطن واپس پہنچنے پر اپنے بیان میں انہوں نے کہا کہ دیار غیر میں اوورسیز پاکستانیوں راجہ عبد الحمید رئیس آف نتھہ چھتر گوجرخان اور صدر مسلم لیگ ن فرانس جاوید بٹ جیسے مخلص لوگ ملے جنہوں نے دیار غیر میں گھریلو رہن سہن کا احساد دلا کر ان کے دورہ کو یادگار بنا دیا۔ اس کیلئے وہ رئیس آف نتھہ چھتر راجہ عبدالحمید اور تمام اوورسیز دوستوں کے شکر گزار ہیں ۔
چوہدری نعیم نواز نے چوہدری عبدالحمید رئیس آف نتھہ چھتر سے ملاقات کو یادگار قرار دیتے ہوئے کہا کہ انہوں نے اوورسیز پاکستانیوں کا خلوص دیکھا اور پاکستان کیلئے وہ لازوال جذبہ دیکھا جو ہماری پہچان ہے۔ انہوں نے اوورسیز پاکستانیوں خصوصاً سابق صدر مسلم لیگ ن فرانس جاوید بٹ کی مہمان نوازی اور وضع داری کی بہت تعریف کی انہوں نے کہا کہ دیار غیر میں بھی انھیں گھر جیسا ماحول ملا اور دیسی کھانوں اور دیسی محفلوں نے ان کے دورہ کو یادگار بنایا ہے۔
قبل ازیں دورہ یورپ کے دوران پیرس میں جاوید بٹ صدر مسلم لیگ ن فرانس کی طرف سے نعیم نواز کیانی کے اعزاز میں پرتکلف ناشتے کا اہتمام بھی کیا گیا تھا جس میں معززین علاقہ چوہدری اعظم، میاں جعفر اقبال خونن، چوہدری امتیاز پکھووال ، چوہدری سلیم بوڑا، ملک انصر خان اور پیرس کی صحافتی برادری کی سرکردہ شخصیات مرزا خالد بشیر نے بھی شرکت کی تھی۔
