پیرس (زاہد مصطفی اعوان سے) ندائے کشمیر ایسوسی ایشن کے صدر راجہ مختار احمد سونی، مسلم کانفرنس اسپین کے چیف آرگنائزر ملک محد شریف، پاکستان مسلم لیگ نون آزاد کشمیر یوتھ ونگ اسپین کے صدر سردار محمد عارف نے ای یو پاک فرینڈ شپ فیڈریشن یورپ کے صدر چوہدری امتیاز لوراں کے دفتر جا کر 5 فروری یوم یکجہتی کشمیر کے پروگرام میں باقاعدہ شرکت کی دعوت دی۔
جسے چوہدری امتیاز لورا ں نے قبول کرتے ہوئے کہا کہ ہم اپنے تمام دوستو ںاور فیڈریشن کے عہدیداران کے ساتھ شرکت کریں گے اور یوم یکجہتی کشمیر کے پروگرام کو کامیاب بنائیں گے۔ اس موقع پر راجہ مختار احمد سونی نے کہا کہ کشمیر کاز کے لئے ہمارا پروگرام غیر سیاسی ہے جس میں آپ دوستو ں کی شرکت ہمارے لئے خوشی کا باعث ہو گی۔
چوہدری امتیاز لورا ں کا کہنا تھا کہ کشمیر کی آزادی کیتحریک ہم سب کی ہے ۔ اور یورپ میں کشمیر کی آزادی کی تحریک کے متعلق ہو نے والے پروگرامز نہایت اہمیت کے حا مل ہیں ۔ جس سے مقامی لوگو ں کو کشمیر کے بارے میں علم ہو رہا ہے۔
اس موقع پر چوہدری امتیاز لورا ں نے کہا کہ ہم ای یو پاک فرینڈ شپ فیڈریشن یورپ کے چیئر مین چوہدری پرویز اقبال لوہسر اور عامر غوری کو بھی یوم یکجہتی کشمیر کے پروگرام میں شرکت پر خوش آمدید کہتے ہیں۔
