ننکانہ صاحب(محمد قمر عباس )ایم پی اے و مشیر وزیر اعلی پنجاب رانا محمد ارشد کا ڈی سی او ننکانہ ڈاکٹر عثمان علی خان کے ہمراہ سستے رمضان بازار ننکانہ،واربرٹن اور شاہکوٹ کا دورہعوام الناس کو اشیائے خوردونوش معیاری اور سستے داموں فروخت کرنا حکومت پنجاب کا خصوصی مشن ہے رمضان بازار کے صارفین متعلقہ رمضان بازار کے شکایات کاؤنٹر پر شکایت درج کروا سکتے ہیں جس کا فوری ازالہ ہوگا ۔ان خیالات کا اظہارایم پی اے و مشیر وزیر اعلی پنجاب رانا محمد ارشد نے غلہ منڈی ننکانہ میں قائم رمضان بازار کے اچانک دورے کے دوران کیا۔مشیر وزیر اعلی پنجاب رانا محمد ارشد نے مزید کہا کہ سستے رمضان بازاروں میں اشیاء عام مارکیٹ سے 10%سستی دستیاب ہیں۔اس موقع پرمشیر وزیراعلی پنجاب رانا محمد ارشدنے نہ صرف رمضان بازار میں خریداری کے لیے آئے ہوئے صارفین سے ان کی شکایات سنیں بلکہ سستے آٹے اور چینی کے سٹال کی بھی چیکنگ کی اور ضلعی انتظامیہ کی جانب سے کیے گئے انتظامات کو تسلی بخش قرار دیا۔ایم پی اے و مشیر وزیراعلی پنجاب رانا محمد ارشد کے رمضان بازار کے دورے کے دوران ڈی سی او ننکانہ ڈاکٹر عثمان علی خان بھی موجود تھے۔
