مقبوضہ کشمیرمیں قابض بھارتی افواج کے 3 فوجیوں نے خودکشی کرلی، 12 برس میں ہزاروں بھارتی فوجی اپنی زندگیوں کا خاتمہ کرچکے ہیں۔
مقبوضہ کشمیر کی وادی چنارمیں قابض بھارتی افواج سے تعلق رکھنے والے تین فوجیوں نے خودکشی کرلی، دوفوجیوں نےخودکشی ڈیوٹی کےدوران کی جبکہ ایک نے بیوی کو گولی مارنے کے بعد خود کشی کا راستہ اپنایا۔راشٹریہ رائفلزکے 24 سالہ فوجی چھوٹو کمارنے کپواڑہ میں خود کشی کی، بارڈر سیکیورٹی فورس سے تعلق رکھنے والے دوسرے فوجی نے بارہ مولا میں زندگی کا خاتمہ کیاجبکہ ضلع ڈوڈہ میں بھارتی فوجی نے اپنی اہلیہ کو گولی مارنے کے بعد خود کوگولی ماری۔ بھارتی پارلیمنٹ میں پیش کی گئی رپورٹ کے مطابق 2009 سے اب تک 9 برسوں میں ایک ہزار22 بھارتی فوجیوں نےخودکشی کی،2014 سے2017 کےدرمیان425 جبکہ2009 سے2013 کے دوران597 فوجیوں نے مختلف وجوہات کی بنا پر زندگیوں کا خاتمہ کیا،گزشتہ4 برسوں میں فوج کے9 افسروں اور 26 اہلکاروں نے خود کشی کی،سب سے کم خودکشی کے واقعات بحریہ میں ہوئےجہاں 2افسروں اور16سیلرزنےزندگی کا خاتمہ کیا۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
