Sitara Malik

پیرس (اے کے راؤ) بھارت کی جانب سے پاکستانی سرحد کی مسلسل خلاف ورزیوں کا سلسلہ جاری ہے۔ پاکستانی سرحد پر بھارتی حالیہ گولہ باری سے سیالکوٹ کا گاؤں کندن پور متاثر ہوا۔ جس میں کئی افراد زخمی ہوئے جبکہ تین افرد شہید ہوئے زخمیوں میں سے دو کی حالت تشویش ناک بیان کی جاتی ہے۔

شہید اور زخمی ہونے والے افراد کا تعلق منہاج وومن لیگ فرانس کی صدر ستارہ ملک کے خاندان سے ہے۔شہید ہونے والے تینوں افراد دو بھائی اور ایک بیٹا ہیں جو ستارہ ملک کی چھوٹی بھابھی کے بھائی اور بھتیجا ہیں۔

ستارہ ملک نے میڈیا کے نمائندوں سے کہا ہے کہ بھارت اپنے ہمسایوں پر تسلط قائم کرنے کا جو ایجنڈہ رکھتا ہے پاکستان اِس خواب کو کبھی پورا نہیں ہونے دے گا۔

ان کا کہنا تھا بھارت اور دہشت گرد ایک ہی دو مونہی سانپ ہے بھارت پاکستان کے اندر دہشت گرد کاروائیاں اور سرحد پر جس طرح نہتے بے گناہ معصوم شہریوں کی جانوں کے زیاں کا زمہ دار ہے پاکستان کو اقوام متحدہ اور دوست ممالک کے سامنے یہ مسئلہ اُٹھانا چاہیے۔