پیرس (اے کے راؤ سے) تحریک منہاج پاکستان کے مرکزی رہنماء شیخ زاہد فیاض کو صدمہ ،طویل علالت کے بعد پیرس کے ہسپتال میں خالہ انتقال کر گئیں۔ إِنَّا لِلّهِ وَإِنَّـا إِلَيْهِ رَاجِعونَ مرحومہ پیرس کی معروف شخصیت شیخ رشید کی اہلیہ تھیں۔
ان کی وفات پر یورپ بھر کے منہاج القرآن انٹرنیشنل اور پاکستان عوامی تحریک کے عہدیداران نے افسوس کا اظہار کیا اور ان کی مغفرت کے لیے دعا کی ہے۔ تفصیلات کے مطابق مرحومہ پیرس کے ہسپتال میں 2 اور 3 اگست کی درمیانی شب خالق حقیقی سے جا ملیں۔ان کی نماز جنازہ 4 اگست بروز منگل مرکز منہاج القرآن میں ڈیڑھ بجے ادا کی جائے گی۔اور ان کا جسد خاکی اسی شام پی آئی اے سے پاکستان روانہ کر دیا جائے گا۔
منہاج یورپین کونسل کے صدر چوہدری اعجاز احمد وڑائچ، سیکرٹری جنرل بلال اوپل، سینئر نائب صدر محمد اقبال وڑائچ، پاکستان عوامی تحریک یورپ اور فرانس کے صدر حاجی محمد اسلم، پاکستان عوامی تحریک سپین کے صدر و جنرل سیکریٹری پاکستان عوامی تحریک یورپ محمد اقبال چوہدری، منہاج القرآن انٹرنیشنل فرانس کے صدر اظہر صدیق، جنرل سیکریٹری قاضی محمد ہارون ،صدر شوریٰ ملک شبیر احمد عوان ، سینئر نائب صدر پاکستان عوامی تحریک طارق چوھدری ،جنرل سیکرٹری محمد نعیم چوھدری، میڈیا ایڈوائزر راؤ خلیل احمد اور ڈائریکٹر منہاج القرآن فرانس پروفیسر علامہ حسن میر قادری سمیت PAT اور MQI یورپ کے دیگر رہنماؤں نے اپنے تعزیتی پیغامات میں شیخ زاہد فیاض سےگہرے دکھ اور افسوس کا اظہار کیا ہے اور ان کی مغفرت ،بلندی درجات اور ان کے جملہ لواحقین کے لیے صبر کی دعا کی ہے۔
