پی ٹی آئی شریف برادران کے شروع کیے منصوبے ہی مکمل کرلے تو غنیمت ہے،چیف آرگنائزرمسلم لیگ ن فرانس
پیرس (نمائندہ خصوصی) چیف آرگنائزر مسلم لیگ ن فرانس میاں محمد حنیف نے یس اردو نیوز سے گفتگو کرتے ہوئے کہا کہ حکومت جو ابھی تک بیل آئوٹ پیکج نہیں لے سکی وہ منصوبے کیا شروع کریگی۔ انوکھا لاڈلا کھیلن کو مانگے چاند کے مصداق حکومت شریف برادران کے شروع کیے منصوبے بھی صحیح طرح نہیں چلا پا رہی۔ یہ لوگ صحت تعلیم کیا دیں گے یہ لوگ تو لوگوں کو تنخواہیں نہیں دے پا رہے۔
تمام حکومتی ادارے بے یقینی کی کیفیت میں جبکہ عوام ذہنی مریض ہوچکی ہے۔ حیکومت کو اگر ابھی مختصر مدت ہوئی ہے تو خیبرپختونخوا کو دیکھ لیں نالائق ٹولہ ہسپتال چلاسکتا ہے، بس منصوبہ اور نہ ہی ملک۔ صحت کی سہولیات پشاور شہر میں بھی مکمل دستیاب نہیں شریف برادران کے صحت کارڈ کو صحت وانصاف کارڈ بتا کر عوام کو دھوکہ دیا جارہا ہے۔ عوام کو نقصان کے ساتھ ساتھ اپنے بچوں کا پیٹ پالنے کیلئے صبر کے گھونٹ بھی پینا ہونگے۔
انہوں نے کہا کہ حکومت میں اتنی اخلاقی جرات نہیں کہ کرپشن ثابت نہ کرسکنے کے بعد اپنیے الزامات کی ناکامی کا اعتراف ہی کرلے۔ نیازی حکومت کی نالائقی کی قیمت غریب عوام اور ملک ادا کرنے پر مجبور ہیں۔ پی ٹی آئی نے ’’صحت کی ایمرجنسی‘‘ کا وعدہ بھی پورا کردکھایا ہے۔ اب لوگوں کو اپنی صحت کے لئے ایمرجنسی انتظامات خود کرنا ہوں گے۔
