عامر خان کی اہلیہ فریال نے کہا ہے کہ عامر خان کے چھوٹے بھائی ہارون کی شادی میں مجھے اور بچی کو بلایا ہی نہیں گیا تھا،شادی کی دعوت د ی جاتی تو جانےکاسوچتے۔

Me and my baby were not called for Haroon’s marriage, Faryal

برطانوی اخبار کی رپورٹ کے مطابق عامر خان کی اہلیہ فریال نے بتایا کہ ہرشخص پوچھ رہاہےہم نےعامرکےبھائی کی شادی میں شرکت کیوں نہیں کی؟ مگر میں خاموش رہی،شادی کی دعوت د ی جاتی تو جانےکاسوچتے۔عامرخان کےبھائی ہارون نے شکوہ کیا تھا کہ بھائی بھابی نےشادی میں شرکت تو کیا مبارک باد تک نہ دی ۔عامر خان کی فیملی نے لگتا ہے جیسےباکسر کے خلاف محاذ بنالیا ہے۔پہلے تو عامر کے والد ،بیٹے اور بہو میں جلد طلاق کی خبریں دیتے رہے،پھر عامر خان کے بھائی ہارون نے بھی،میڈیا پر بھائی کی شکایت کردی کہ ان کی شادی کی تقریب میں عامر خان کی شرکت نہ ہونے سے افسوس ہوا۔ہارون نے کہا کہ انہیں اس بات کا بے حد افسوس ہوا کہ بھائی نے مبارک باد کا کوئی پیغام تک بھی نہ بھیجا۔دیور نے اپنی بھابھی فریال پر بھی طنز کے خوب تیر چلائےکہاکہ وہ اپنی مرضی کے مطابق زندگی گزارتی ہیں۔تاہم عامر خان کی اہلیہ فریال مخدوم نے سرالیوں کو کرارا جواب دیتے ہوئے کہاہے کہ شادی کی اس تقریب میںعامر خان کی اہلیہ اور بیٹی کو شرکت کی دعوت ہی نہیں دی گئی تھی۔دعوت دیتے بھی کیسے،فریال کی اپنے سسرال سے جنگ جو چل رہی ہے۔کچھ روز پہلے عامر کے والد نے اس حوالے سے وضاحت دی تھی کہ عامر نے ہارون کی شادی کے بڑے ایونٹ میں پاکستان میں شرکت کی تھی،لندن میں ہونے والی تقریب میں وہ ٹریننگ کی وجہ سے نہ آسکے۔دوسری جانب عامر خان برطانیہ میں اپنے نئے گھر کی تیاریوں میں بھی مگن ہیں۔اس سلسلے میں اہلیہ فریال نے سوشل میڈیا پرنئے گھر کی خریداری کی وڈیوز بھی شیئر کی ہیں۔