ملائیشیا کی کمپنی ایڈوٹکو نے پاکستانی کمپنی داؤد ہرکولیس کے اشتراک سے موبائل ٹیلی کمیونیکیشن کمپنی جاز کے 13 ہزار ٹاورز کا انتظام سنبھالنے کا اعلان کیا ہے جب کہ یہ سودا 94 ارب روپے میں طے پایا ہے۔

Malaysian company’s investment agreement in mobile towers in Pakistan

جیز کے پاکستان بھر میں 13 ہزار ٹاورز کا انتظام اس کے ذیلی ادارہ دیودار کے پاس تھا۔ معاہدے کے مطابق داؤد ہرکیولیز 45 فی صد جبکہ ایڈوٹکو 55 فی صد سرمایہ کاری کرے گا۔ ایڈوٹکو شراکت کی بنیاد پر دوسری ٹیلی کام کمپنیوں کو بھی سہولت فراہم کر سکے گی۔ جیز کو 94 ارب روپے ادا کیے جائیں گے جن میں کچھ قرضہ بھی شامل ہوگا۔ داؤد ہرکیولیز اور ایڈوٹکو کے سربراہان نے معاہدے پر خوشی کا اظہار کیا ہے۔ جیز کے سی ای او عامر ابراہیم کا کہنا ہے کہ معاہدے کے نتیجے میں صارفین کو مزید بہتر خدمات مل سکیں گی۔