لاہور: ویسے تو ماہرہ خان اور رنبیر کپور کی نیویارک میں وائرل تصاویر کو کافی وقت گزر چکا ہے تاہم میڈیا آج بھی بہت سے اداکاروں سے اس پر سوال کرنے سے گریز نہیں کر رہا۔
حال ہی میں رنویر سنگھ سے ماہرہ خان کے حوالے سے ان کی رائے پوچھی گئی جس پر انہوں نے کہا ایک سٹار بننے کے بہت سے نقصانات میں سے ایک یہ بھی ہے۔ رنویر نے کہا میں صرف اپنے تجربے سے بات کرسکتا ہوں کبھی میں بھی کسی ایسی جگہ ایسے لوگوں کیساتھ ہوتا ہوں جب میں نہیں چاہتا کہ کوئی اس وقت کی تصویر لے لیکن آپ کچھ کر نہیں سکتے۔ انہوں نے مزید کہا کہ ماہرہ خان ایک بہترین پرفارمر ہیں تو کوئی بھی فوراً ان سے بات کرنے پر مجبور ہوسکتا ہے۔
