بھارت میں ’کرکٹ کے بھگوان‘ کا درجہ رکھنے والے سچن ٹنڈولکر نے کھیل کا میدان چھوڑ دیا ہے مگر وہ کرکٹ اب بھی کھیلنا چاہتےہیں۔
وہ ریٹائرمنٹ کے باوجود کرکٹ چھوڑنے میں ’ناکام ‘ہیں،انہوں نے میدان کے بجائے اب سڑک پر اپنی بیٹنگ کے جوہر دکھانے شروع کردئیے ہیں،اس کا ثبوت یہ ویڈیو ہے۔
ماسٹر بلاسٹر بیٹسمین چند روز قبل رات گئے ممبئی کی ایک سڑک پرکرکٹ کھیلتے ہوئے لڑکوں کو دیکھ کر جیسے ہی اپنی کار سے اترےان کے فینز انہیں دیکھ کر حیران رہ گئے۔
44 سال سابق کرکٹر نے وہاں موجود لڑکوں سے ہاتھ ملایااور ہاتھ سے بیٹ لے کر بیٹنگ کرنے کی خواہش کا اظہار کیا ،اس دوران سچن ٹنڈولکر نے چند گیندیں کھیلیں ۔ان کے اردگر موجود لوگوں کو یقین نہیں آرہا تھا ،بھارت کے سابق سپر اسٹار بیٹسمین ان کے ساتھ کھیل رہے ہیں جنہیں وہ کبھی ٹی وی پر کرکٹ کھیلتے دیکھا کرتے تھے۔
اس موقع پر کپتان نے اپنےفینزکے ساتھ سیلفیاں بنوائیںیہاں تک کہ چاہنے والوں کی تعداد بڑھنے لگی اور انہیں موقع سے جانا پڑا ۔یہ ویڈیو سوشل میڈیا پر وائرل ہوگئی ہے ۔
