سابق صدر آصف علی زرداری کا کہنا ہے کہ حکمران مرغی اور انڈوں سے لے کر بجلی تک کا کاروبار کررہے ہیں۔
مالا کنڈ میں پارٹی کارکنوں سے خطاب کے دوران آصف علی زرداری نے کہا کہ پاکستان کے تمام وسائل پر ایک ہی خاندان کا قبضہ ہے، ایک سیاست دان خود کو پٹھان کہتا ہے لیکن وہ جعلی پٹھان ہے۔ آصف زرداری نے کہا کہ سوات میں پاکستان کا پرچم پیپلز پارٹی نے لہرایا، سوات کے لوگوں نے امن کے لیے بے پناہ قربانیاں دیں، سوات میں امن قائم کرنا شہید بی بی کا خواب تھا، خیبرپختونخواسمیت چاروں صوبوں میں حکومت بنائیں گے۔
