لاہور (ویب ڈیسک) رائیونڈ میں 4 ڈاکوؤں نے ایک ڈیرے پر ہلہ بول دیا اور ڈیرے میں موجود افراد کو یرغمال بنا کر ساڑھے 5 لاکھ مالیت کے بکرے بکریاں نقدی لوٹ کر فرار ہو گئے جبکہ دیگر وارداتوں میں درجنوں شہری ڈاکوؤں اور چوروں کے ہاتھ لٹ گئے۔

تفصیلات کے مطابق موضع آرائیاں میں تاج ورکے ڈیرے پر چارڈاکو گھس آئے اور وہاں موجود تمام ملازمین کو یر غمال بنا کر ساڑھے پابچ لاکھ مالیت کی نقدی بکرے بکریاں اور چھترے لیکر فرار ہوگئے، لٹن روڈ میں ظفر اقبال سے 12 لاکھ، گرین ٹاؤن میں عندلیب سے تین لاکھ، ماڈل ٹاؤن میں وسیم سے اڑھائی لاکھ، چوہنگ میں ماجد سے سوا لاکھ، سبزہزار میں خالد سے 80 ہزار ، مسلم ٹاؤن میں کلیم سے 73 ہزار، ملت پارک میں واقع محسن کی پیزا شاپ سے تین ڈاکو سوا لاکھ نقدی اور دس پیزے لے گئے، گوالمنڈی میں میکلوڈ روڑ سے ڈاکو سوا لاکھ اور اقبال ٹاؤن شاہ نور پر واقع فاروق کی دکان سے دوڈاکو 89 ہزار کی نقدی اور قیمتی سامان لاٹ کر فرار ہوگئے، شفیق آباد میں حسنین سے 53 ہزار، ساندہ میں عاطف سے 33 ہزار ، سندر میں ماجد سے 22 ہزار ، ریسکورس میں مصعب سے 20 ہزار، باقر سے 20 ہزار ، نشتر قالونی میں طاہر سے 20 ہزار اور گلبرگ میں جاوید اشرف سے نقدی موبائلز چھین لئے گئے، مزنگ سے عباس گارڈن ٹاؤن میں ابوبکر ، اچھرہ میں یاسع ، لائر مال سے علی، ٹبی سٹی سے ارشاد، شاہدرہ سے اویس، شالیمار سے ریاض ، کوٹ لکھپت میں حیدر، قلعہ گجر سنگھ میں رمیض، اقبال ٹاؤن میں عدل سمیت 26 شہریوں کی موٹر سائیکلیں چوری کر لی گئیں۔