لاہور کے علاقے رائیونڈ روڈ پر ٹرک کی موٹر سائیکل کو ٹکر سے خاتون سمیت 3افراد جاں بحق ہوگئے ، شہر میں 24گھنٹے کے دوران دو واقعات میں مرنے والوں کی تعداد 5 ہوگئی ہے۔
پولیس کے مطابق موٹر سائیکل کو ٹکر مارنے والے اینٹوں سے بھرے ٹرک کا ڈرائیوار فرار ہونے میں کامیاب ہوگیا ہے ، حادثے میں مرنے والوں کی شناخت نسیم بی بی ،ریاض اور کاشف کے نام سے ہوئی ہے۔
گزشتہ رات بھی ایک حادثے میں دو طالب علم جاں کی بازی ہار چکے ہیں،پولیس کے مطابق نجی یونیورسٹی کے 3 طالب علم موٹرسائیکل پر رائے ونڈ روڈ پر جا رہے تھے کہ تیزرفتار ٹرالر نے پیچھے سے ٹکر مارنے کے بعد انہیں روند ڈالا۔
دو طالب علم شاہ نواز اور صابر علی موقع پر دم توڑ گئے جبکہ تیسرا شدید زخمی ہو گیا ،زخمی کو جناح اسپتال منتقل کردیا گیاتھا۔
پولیس نے ان کے خلاف مقدمات درج کر کے لاشوں کو ورثا کے حوالے کردیا۔
