لاہور کے علاقے شام نگر میں واقع ایک گودام میں آگ لگ گئی، آگ لگتے ہی فائر بریگیڈ کو طلب کر لیا گیا۔
فائر بریگیڈ کی 10 گاڑیوں نے آگ بجھانے کی کارروائی میں حصہ لیا، کافی جدوجہد کے بعد شام نگر کے گودام میں لگنے والی آگ پر قابو پالیا گیا۔ ریسکیوحکام کے مطابق گودام میں آگ شارٹ سرکٹ کی وجہ سےلگی تھی۔ ادھر علاقہ مکینوں نے رہائشی علاقےمیں گودام ہونے پر شدید احتجاج کیا، مکینوں کا کہنا ہے کہ اس گودام میں پہلے بھی 2مرتبہ آگ لگ چکی ہے۔
