افغانستان کے شہر قندوز میں طالبان کا حملہ افغان سیکورٹی فورسز نے پسپا کردیا ہے،مرکزی علاقے سے دہشت گردوں کو پیچھے دھکیل دیا گیا،قندوز پولیس سربراہ کے مطابق جھڑپ میں 25 طالبان مارے گئے۔
قندوز کے صوبائی گورنر اسد اللہ عمر خیل کا کہنا ہے نیشنل ڈیفنس فورس اور فوج مل کر شہر کی صورتحال قابو میں کرنے کی کوشش کر رہی ہے، طالبان کو شکست ہوگئی ہے اور وہ اپنے مقصد میں کامیاب نہ ہوسکے۔
ترجمان وزارت داخلہ کے مطابق دہشت گرد ایک ہوٹل میں چھپ کر افغان فورسز سے مقابلہ کر رہے ہیں،کچھ علاقوں میں فورسز اور طالبان کے درمیان جھڑپ اب بھی جاری ہے۔
گزشتہ روز طالبان4 سمتوں سے حملہ کر کے شہر میں داخل ہوئے تھے اور انہوں نے کئی مقامات پر قبضہ کرلیا تھا
