قائد حزب اختلاف سید خورشید شاہ نے کہا ہے کہ خیبرپخونخوا میں سونامی نے تباہی مچائی، وہاں کے عوام عمران خان سے خوش نہیں۔
سکھر میں سوئٹ ہوم کی تقریب سے خطاب کرتے ہوئے قائد حزب اختلاف کا کہنا تھا کہ عمران خان جب سندھ میں آئیں تو ایسی تباہی نہیں لے کر آئیں۔ انہوں نے کہا کہ حکومت کلبھوشن کے معاملے پر آئین اور قانون کے مطابق فیصلہ کرے اور عالمی دباؤ قبول نہ کیا جائے۔ خورشید شاہ نے بتایا کہ لوڈ شیڈنگ کے نام پر عوام کو دھوکا دیا گیا۔
