قومی اسمبلی میں قائد حزب اختلاف سید خورشید احمد شاہ نے اپوزیشن کے پارلیمانی لیڈروں کا اجلاس آج دن 2 بجے پارلیمنٹ ہائوس میں طلب کرلیا ہے ۔
اجلاس میں وزیراعظم کے خلاف قومی اسمبلی میں جمع کرائی جانے والی مشترکہ تحریک استحقاق اور فوجی عدالتوں کی مدت میں توسیع کے معاملے پر غور کیا جائے گا ۔اجلاس میں شاہ محمود قریشی، آفتاب شیرپائو، غلام احمد بلور، صاحبزادہ طارق اللہ، طارق بشیر چیمہ، سید نوید قمر، شیخ رشید احمد اور ڈاکٹر فاروق ستار شریک ہوں گے۔
