تمام اہل اسلام کو’یوم تکبیر‘اور یکم رمضان المبارک،کی مشترکہ مبارکباد، قوم 28 مئی 1998 کی وہ سہ پہر کبھی نہیں بھول سکتی جب اللہ اکبر کی صدا کے ساتھ وزیر اعظم میاں محمد نواز شریف، ڈاکٹر عبدالقدیر خان اور ان کی ٹیم نے پاکستان کو دنیا بھر میں سرخرو سربلند کر دیا تھا، خان یوسف

پیرس؍اسلام آباد(یس اردو نیوز) مسلم لیگ ن فرانس کے جنرل سیکرٹری خان یوسف نے یوم تکبیر پر اپنے بیان میں کہا ہے کہ تمام اہل اسلام کو’یوم تکبیر‘اور یکم رمضان المبارک،کی مشترکہ مبارکباد، قوم 28 مئی 1998 کی وہ سہ پہر کبھی نہیں بھول سکتی جب اللہ اکبر کی صدا کے ساتھ وزیر اعظم میاں محمد نواز شریف، ڈاکٹر عبدالقدیر خان اور ان کی ٹیم نے پاکستان کو دنیا بھر میں سرخرو سربلند کر دیا تھا، اس کی قیمت کے طور پر پاکستان پر امریکی پابندیاں لگ چکی تھیں کہ تمہاری اتنی جرأت…؟ امریکہ، روس، برطانیہ، فرانس اور چین کے علاوہ کسی کی یہ مجال اور وہ بھی کسی مسلمان کی کیسے ہو سکتی ہے کہ وہ خود کو ایٹمی قوت بنا اور کہلا سکے۔اور یہ دشمنوں کو کبھی اور قطعاً قبول نہیں تھا کہ ایک ایسا ملک جو سوئی تک خود نہیں بنا سکتا تھا۔ سائیکل تک باہر سے منگواتا یا محض سامان جوڑ کر بنانے تک محدود تھا، آج کیسے اتنے بڑے مقام اور مرتبے پر فائز ہو چکا تھا۔ ابھی دشمن تلملا رہے تھے، دانت پیس رہے تھے… بھنویں چڑھا… نتھنے پھلا رہے تھے کہ  ’’پرویزمشرف‘‘جیسے ڈکٹیٹر  اس ملک و قوم پر مسلط ہو گیا۔ اور پھر وہ تمام خدشات حقیقت کا روپ دھارنے لگے جن کی دھمکیاں دی جارہی تھیں۔

مگر اللہ کا شکر ہے کہ جمہوریت دوبارہ بحال ہوئی اور یوم تکبیر کی نعمت کی قدر ہم جیسے لوگوں کو ہی ہو سکتی ہے جنہوں نے وہ حالات دیکھے اور ڈکٹیٹر شپ نے جیسے استعماری قوتوں کی ترجمانی کی وہ بھی روز روشن کی طرح عیاں ہے ۔