پیرس، پیپلز پارٹی فرانس کے مرکزی راہنما خان اشتیاق خان رضائے الہی سے انتقال کرگئے، نماز جنازہ دن 01 بجے اکتوبر11 بروز جمعۃ المبارک منہاج القرآن انٹرنیشنل فرانس میں ادا کی جائیگی
پیرس(خصوصی رپورٹ) پاکستان پیپلز پارٹی فرانس کے دیرینہ متحرک نظریاتی راہنما خان اشتیاق خالق حقیقی سے جاملے، لالہ موسیٰ سے تعلق رکھنے والے شہید بھٹو کے جیالے پیپلز پارٹی فرانس کے متحرک ترین راہنمائوں میں سے تھے ۔ ان کی وفات پر پیرس بھر کی پاکستانی کمیونٹی میں سوگ کی لہر دوڑ گئی، نماز جنازہ کل دن 01 بجے اکتوبر11 بروز جمعۃ المبارک منہاج القرآن انٹرنیشنل فرانس میں ادا کیا جائیگا۔ خان اشتیاق خان کو نماز جنازہ کے بعد پیرس میں ہی دفن کیا جائیگا۔
پاکستان پیپلز پارٹی یورپ بھر کے راہنمائوں نے دلی افسوس کا اظہار کرتے ہوئے خان اشتیاق خان کی وفات پر گہرے رنج وغم کا اظہار کیا ہے۔ ممبر پنجاب کونسل قاری فاروق احمد فاروقی نے کہا ہے کہ لالہ موسیٰ سے تعلق رکھنے والے پاکستان پیپلز پارٹی فرانس کے بانی راہنما خان اشتیاق خان جیسا جرات مند اوربہادر لیڈر پارٹی کیلئے بیش قیمت اثاثلہ تھا۔ جس طرح انہوں نے پاکستان پیپلز پارٹی کی ترجمانی کی اور پاکستان پیپلز پارٹی کو یورپ بھر میں پھیلانے کیلئے متحرک کردار ادا کیا ان کی وفات سے پیداہونے والا خلا کبھی پر نہیں ہوسکے گا۔
