آئی سی سی چیمپئنز ٹرافی کی پاکستان آمد پر کراچی میں ایدھی ہوم میں تقریب رونمائی کا انعقاد کیا گیا۔ سابق کپتان شاہد آفریدی نے تقریب میں شرکت کی۔ انہوں نے کہا کہ پاکستان اور بھارت کے میچ میں جس نے دباؤ برداشت کیا وہی ٹیم کامیاب رہے گی۔
فیصل ایدھی نے آئی سی سی اور پی سی بی آفیشلز کا استقبال کیا۔ننھے بچے اسٹار کرکٹر کو اپنے درمیان پاکر خوشی سے نہال ہوگئے۔ شاہدآفریدی نے بلقیس ایدھی سے بھی ملاقات کی۔ اس موقع پر شاہد آفریدی کا کہنا تھا کہ چیمپئنز ٹرافی میں کامیابی کے لیے قومی کرکٹرز کو فیلڈنگ، بیٹنگ اور بولنگ ،تینوں شعبوں میں پرفارم کرنا ہوگا۔ پاکستان اور بھارت کا میچ ہمیشہ ہی اہم ہوتا ہے، میچ دیکھنے لازمی انگلینڈ جاؤں گا۔ ایک سوال کے جواب میں انہوں نے کہا کہ بھارتی کرکٹ بورڈ کو نہیں بھارتی حکومت کوپاکستان سے کرکٹ میں مسائل ہیں۔
