Karachi: Explore more than 12 laptops from escape accused Abdul kareem house in the raid

کراچی کے علاقے گلزار ہجری میں قانون نافذ کرنے والے اداروں کے چھاپے کے دوران فرار ملزم عبدالکریم کے گھر سے 12 سے زائد لیپ ٹاپ، 20 یو ایس بیز ملیں، چند مائکرو یو ایس بی کو تعویز میں سلائی کیا گیا تھا۔ گزشتہ روز قانون نافذ کرنے والے اداروں کی گلزارہجری میں کارروائی، ملزم عبدالکریم کے گھر سے کیا کیا ملا؟ ذرائع کے مطابق مفرور ملزم کے کمرے سے 12 سے زائد لیپ ٹاپ ٹیبلیٹ اور 20 سے زائد یو ایس بیز ملی ہیں، ملزم نے چند مائکرو یو ایس بیز کو تعویز میں سلائی کر کے بھی چھپایا تھا۔ تمام کمپیوٹرز کو ڈی کوڈ کیا جارہا ہے۔ ذرائع کہتے ہیں یو ایس بیز سے کافی اہم ڈیٹا حاصل ہو اہے، ملنے والے تمام الیکٹرونک سامان کی فرانزک بھی کرائی جارہی ہے جس سے اہم شواہد ملنے کا امکان ہے۔ گزشتہ صبح قانون نافذ کرنے والے اداروں نے ملزم کے گھر پر چھاپہ مارا تھا جس میں ملزم ساتھیوں سمیت فرار ہونے میں کامیاب ہوگیا۔