PPP announced the rallies in different cities as soon as the Eid ends

پیپلزپارٹی کے چیئرمین بلاول بھٹو زرداری نے عید کے بعد جلسوں کا سلسلہ دوبارہ شروع کرنے کا فیصلہ کیا ہے، اس ضمن میں پیپلزپارٹی 14 ستمبر کو خیبر پختونخواہ کا دوبارہ رخ کرے گی۔ بلاول بھٹو 14ستمبر کو تخت بھائی کے علاقہ ہتھیان میں عوامی جلسے سےخطاب کریں گے۔ 17 اور 18 ستمبر کو آصف علی زرداری خیبر پختونخواہ کا دورہ کریں گے۔ آصف علی زرداری ارباب عالمگیر اور ضیاء اللہ آفریدی کے گھر بھی جائیں گے۔ پیپلزپارٹی 20 ستمبر کو پنجاب کا رخ کرے گی اور اس ضمن میں ساہیوال کے جلسے کی تاریخ تبدیل کردی گئی ہے۔ 19 ستمبر کی بجائے 20 ستمبر کو ساہیوال میں پیپلزپارٹی کا جلسہ ہوگا، جس سے بلاول بھٹو خطاب کریں گے۔