کراچی : پنجاب میں گدھوں کے بعد کراچی میں دنبوں کی چوری میں ملوث ملزمان سرگرم ہوگئے، لیا قت آباد میں موٹر سائیکل سوار افراد گھر کے باہر بندھے دنبے کو لے کر فرار ہوگئے۔
مویشی مالکان اپنے جانوروں پر کڑی نگاہ رکھیں، ذرا سی لا پرواہی مالکان کو پالتو جانوروں سے محروم کر سکتی ہے، پنجاب میں گدھوں کے بعد کراچی میں دنبوں پر ہاتھ صاف کرنے 
والے سرگرم ہوگئے۔پنجاب کےگدھوں کے بعد کراچی کے دنبوں کی شامت آگئی، دنبہ چور گروپ سرگرم ہوگیا، اے آر وائی نیوز کو موصول سی سی ٹی وی فوٹیج میں دیکھا جاسکتا ہے کہ دو موٹر سایئکلوں پر سوار چار افراد لیاقت آباد میں دن دہاڑے گھر کے باہر بندھے دنبہ کی رسی کھول کر لے اڑے۔موٹرسائیکل پر سوار دو افراد نے پہلے رسی کھولی پھر دو ساتھیوں نے دنبا اٹھایا اور موٹر سائیکل اسٹارٹ کر کے باآسانی فرار ہوگئے، خاتون کے شور مچانے پر لوگوں نے گھر سے نکل کر دوڑیں لگا دیں لیکن اس وقت تک بہت دیر ہو چکی تھی اور دنبہ کہیں کا کہیں پہنچ چکا تھا۔
