counter easy hit

کراچی :ایک اور نامور سیاستدان اور رُکن اسمبلی کی گاڑی پر قاتلانہ حملہ

KARACHI: Another prominent politician and member of a member of the Assembly assassinated in a car bomb attack

کراچی(ویب ڈیسک) ایم کیو ایم کے رکن قومی اسمبلی اسامہ قادری کی گاڑی پر قلندریہ چورنگی کے نزدیک فائرنگ کردی تاہم وہ محفوظ رہے۔ایکسپریس نیوز کے مطابق ایم کیو ایم کے رکن قومی اسمبلی اسامہ قادری کی گاڑی پر قلندریہ چورنگی کے قریب نامعلوم ملزمان نے فائرنگ کردی۔ اس حوالے سے اسامہ قادری نے مدد گار 15 پولیس کو بتایا کہ وہ انڈہ موڑ سے قلندریہ چوک کی جانب جا رہے تھے کہ اس دوران موٹر سائیکل سوار ملزمان نے ان کی گاڑی پر فائرنگ کی اور موقع سے فرار ہوگئے تاہم وہ اس حملے میں محفوظ رہے۔پولیس کے مطابق اس حوالے سے شارع نور جہاں پولیس تمام پہلوؤں پر تحقیقات کر رہی ہے۔

واضح رہے کہ 25 ستمبر2018 کو دو نامعلوم موٹر سائیکل ملزمان نے علی رضا عابدی پر ڈیفنس کے فیز فائیو میں خیابان غازی پر ان کے گھر کے قریب فائر کھول دیا تھا۔سابق ایم کیو ایم رہنما دوران علاج زخموں کی تاب نہ لاتے ہوئے دم توڑ گئے تھے۔سینئر پولیس افسر نےمیڈیا کو بتایا کہ پولیس اور انٹیلی جنس ایجنسیوں کے اہلکاروں نے علی رضا عابدی کے قتل کا کیس ’حل‘ کرلیا۔ان کا کہنا تھا کہ ’سابق رکن قومی اسمبلی کے قتل میں 6 افراد ملوث تھے جنہوں نے منصوبہ بنایا، ریکی کی اور قتل کیا۔افسر کے مطابق ’دو ملزمان کو حراست میں لے لیا تاہم 4 کی تلاش جاری ہے‘۔سینئر پولیس افسر نے بتایا کہ یہ ’سیاسی قتل‘ تھا، مقتول ’بعض مسائل‘ پر بے باک تبصرے کرتے تھے۔

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website