Karachi: accident, 2 people killed, 4 injured in Malir
کراچی کے علاقے ملیر15 کے قریب مسافر بس اور ہائی روف کے تصادم میں 2افراد جاں بحق اور 4زخمی ہوگئے ہیں،جنہیں اسپتال منتقل کردیا گیا۔
ملیر 15 میں صبح کے وقت نیشنل ہائی وے جانے والی مسافر بس اور ہائی روف کے درمیان تصادم ہوگیا، حادثے میں 6 افراد زخمی ہوئے، جن میں سے 2افراد موقع پر ہی دم توڑ گئے،جن کی شناخت غلام طاہر اور جمعہ خان کے نام سے ہوئی۔
حادثے میں زخمی ہونے والوں کی شناخت علی ، عبدالواحد،فرید اور محمد نادر کے نام سے ہوئی ہے، جنہیں جناح اسپتال میں طبی امداد دی جارہی ہے ۔اسپتال انتظامیہ کے مطابق زخمیوں کی حالت خطرے سے باہر ہے ۔
پولیس نے حادثے کی جگہ پہنچ کر گاڑیوں کو تحویل میں لے کر پولیس اسٹیشن منتقل کیا جبکہ حادثے کی وجوہات جاننے کے لئے تحقیقات شروع کردی ہیں۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
