لالہ موسیٰ(جمیل احمدطاہر) جماعت اسلامی زون112کے زونل عہدیداران ، یوسی امراء و قیمین اور ذیلی تنظیموں کے صدور کاماہانہ جائزہ اجلاس۔ رپورٹس پیش کی گئیں اور امیر زون چوہدری عرفان احمد صفی نے کرپشن فری پاکستان مہم کے حوالے سے ہدایات جاری کیں اور مختلف ایشوز پر جماعت اسلامی کے مؤقف اور حالات حاضرہ پر بھی سیر حاصل گفتگوہوئی ، رکن جماعت راجہ راشد جاوید کے والد اورسیّد شجاع الرحمٰن کے بھائی سیّد سمیع الدین کی وفات پر فاتحہ خوانی بھی کی گئی۔تفصیلات کے مطابق جماعت اسلامی زون112 کے عہدیداران، یوسی امراء و قیمین اورجماعت اسلامی یوتھ ونگ کے یوسی صدور کا ماہانہ اجلاس عبداللہ ہسپتال لالہ موسیٰ میں ہوا۔ زونل عہدیداران ،یوسی امراء اور یوتھ ونگ صدور نے کارکرد گی رپورٹس پیش کیں۔ امیر زون چوہدری عرفان احمد صفی نے مختلف قومی ایشوز پر جماعت اسلامی پاکستان کے مؤقف پر ذمہ دار ان کی رائے لی اور تبصرہ کیاگیا۔چوہدری عرفان صفی نے کہاکہ جماعت اسلامی کی قیادت ممتاز قادری شہید کی پھانسی پر بہت واضح مؤقف اختیار کر کے عوام کی ترجمانی کی ہے ۔ انہوں نے کہاکہ ہمارے حکمرانوں نے جس مقصد
کیلئے ممتاز قادری کو پھانسی دلوائی ہے یقیناً وہ اس میں ناکام ہوئے ہیں چونکہ بیس لاکھ سے زائد لوگوں کی جنازہ میں شرکت سے جمہوریت پسند مغرب کسی غلط فہمی کاشکار نہیں ہوسکتا۔اجلاس میں بھوتہ سے رکن جما عت راجہ راشد جاوید کے والد کی وفات اور رسیّد شجاع الرحمٰن کے بھائی سیّد سمیع الدین کی وفات پر فاتحہ خوانی بھی کی گئی۔
