کراچی: حال میں کراچی سے تعلق رکھنے والے رشید گوڈیل نے تحریک انصاف میں شمولیت کی وجہ بتا دی۔
رشید گوڈیل نے ایک ویڈیو پیغام میں کہا ہے کہ میں کراچی کا رہنے والا ہوں اور کراچی پاکستان کا کاروباری گڑھ ہے۔اگر کراچی خوش رہتا ہے تو پورا پاکستان خوش رہتا ہے۔ اور اگر کراچی ترقی کرتا ہے تو پورا پاکستان ترقی کرتا ہے۔رشید گوڈیل کا کہنا تھا کہ پچھلے بیس سالوں سے کراچی کو اس لیے نظر انداز کیا جا رہا تھا کیونکہ ایک پارٹی کو سیٹیں ملتی تھیں۔جن کی حکومت بھی بنتی نہیں تھی۔وہ حکومت کے ساتھی تو بن جاتے تھے تا ہم حکومت ان کے پاس نہیں ہوتی تھی۔اب بھی پاکستان مسلم لیگ نکی حکومت تھی تو کراچی کو نظر انداز کیا جا تا رہا اور اس میں ترقیاتی کام بھی نہیں کیے جا رہے تھے۔تو میری یہ سوچ تھی کہ کراچی کے بہتر مستقبل کے لیے ہمیں وفاقی حکومت میں جانا چاہئیے۔اور کراچی کی عوام بھی اس بات کو سمجھتی ہے اور وہ چاہتے ہیں کہ کراچی کے مسئلے مسائل حل ہونے چاہئیے۔۔کراچی کو پچھلے پندرہ سال سے نظر انداز کیا جا رہا تھا یہاں کے رہنے والوں کو نوکریاں نہیں دی جاتی۔اس لیے مجھے لگتا ہے کہ کراچی کو ترقی کرنی چاہئیے تبھی پوارا پاکستان ترقی کرے گا۔یاد رہے کچھ سال قبل کراچی کے علاقے بہادر آباد میں رشید گوڈیل پر قاتلانہ حملہ کیا گیا تھا جس کے نتیجے میں ان کاڈرائیور جاں بحق ہو گیا تھا اور وہ خود شدید زخمی ہوگئے تھے۔جس کے بعد اس وقت کے متحدہ قومی موومنٹ پاکستان کے رہنما اور این اے 252 کراچی سے منتخب رکنقومی اسمبلی رشید گوڈیل نے آئیندہ 2018 کے انتخابات میں حصہ نہ لینے کا فیصلہ کیا تھا۔ تاہم اب رشید گوڈیل نے پاکستان تحریک انصافمیں شمولیت اختیار کر لی ہے۔
