JIT formed, suspended officers to investigate Quetta
وزیر اعلیٰ بلوچستان نے سیکیورٹی میں غفلت پر پولیس ٹریننگ سینٹر کوئٹہ کے کمانڈنٹ اور ڈپٹی کمانڈنٹ کو معطل کر دیا ہے جبکہ تحقیقات کیلئے جے آئی ٹی بھی تشکیل دیدی گئی ہے۔
کوئٹہ: بلوچستان کے وزیر اعلیٰ ثناء اللہ زہری نے پولیس ٹریننگ سینٹر کوئٹہ کے کمانڈنٹ کیپٹن (ر) طاہر نوید، ڈپٹی کمانڈنٹ یامین خان اور ڈی ایس پی ہیڈ کوارٹرز محمد اجمل کو معطل کر دیا ہے۔ ابتدائی تحقیقات میں یہ افسران غفلت کے مرتکب پائے گئے ہیں۔ وزیر اعلیٰ بلوچستان کا کہنا ہے کہ غفلت کے مرتکب افسران کے خلاف فوری کارروائی آئندہ ایسے واقعات کی روک تھام ہے۔
دوسری جانب وزیر اعلیٰ بلوچستان کی ہدایت پر پولیس ٹریننگ سینٹر پر دہشتگردوں کے حملے کی تحقیقات کے لیے جے آئی ٹی تشکیل دے دی گئی ہے۔ بریگیڈئیر بلال علی کی سربراہی میں بنائی گئی جے آئی ٹی میں ایس ایس پی انوسٹی گیشن اعتزاز گورایہ، ایف سی اور تمام متعلقہ ایجنسیوں کے نمائندے شامل ہونگے۔ وزیراعلیٰ ثناء اللہ زہری نے سانحہ کوئٹہ کی جوڈیشل انکوائری کے لیے بھی چیف جسٹس بلوچستان ہائی کورٹ کو درخواست دے دی ہے۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
