لاہور: جماعت اسلامی نے سپریم کورٹ میں مشترکہ ٹی او آرز کیلئے سیاسی جماعتوں کے قائدین سے رابطہ کرنا شروع کر دئیے ہیں ۔

امیر جماعت اسلامی سینیٹر سراج الحق نے قومی اسمبلی میں اپوزیشن لیڈر اور پیپلز پارٹی کے رہنما سید خورشید شاہ تحریک انصاف کے مرکزی رہنما شاہ محمود قریشی اور اور مسلم لیگ ق کے مرکزی رہنما چوہدری پرویز الہیٰ کے ساتھ ٹیلی فون پر رابطہ کیا ہے اور سپریم کورٹ میں مشترکہ ٹی او آرز کیلئے کوششیں شروع کر دیں ہیں ۔ جماعت اسلامی کی قانونی کمیٹی کے سربراہ اسد اللہ بھٹو ایڈووکیٹ نے قانونی ماہرین سے اس حوالےسے مشاورت بھی شروع کر دی ہے ۔ ذرائع کے مطابق جماعت اسلامی کی کوشش ہے کہ اپوزیشن کی جانب سے مشترکہ ٹی او آرز پیش کیے جائیں ۔