Pakistan and India, Foreign Secretaries Meeting

بھارتی سیکریٹری خارجہ ایس جے شنکر دور وزہ دورے پر آج اسلام آباد پہنچے تھے۔ دفتر خارجہ پہنچنے پر اُنہوں نے سیکریٹری خارجہ اعزاز چوہدری سے ملاقات کی۔ ملاقات میں دو طرفہ تعلقات اور باہمی دلچسپی کے امور پر تبادلہ خیال کیا گیا۔

اس موقع پر دونوں ملکوں کے درمیان مذاکرات دوبارہ شروع کرنے پربات چیت ہوئی۔بھارت میں پاکستانی ہائی کمشنر عبدالباسط بھی ملاقات میں موجود تھے۔

دفتر خارجہ میں بھارت کے وفد کو بریفنگ دی گئی۔ذرائع کا کہنا ہے کہ بھارتی سیکریٹری خارجہ آج وزیراعظم نواز شریف سے بھی ملاقات کریں گے۔