لاہور (نیوز ڈیسک ) سینئر صحافی و تجزیہ کار ارشاد بھٹی کا کہنا ہے کہ نامور خاتون اینکر محمل سرفراز کے مالٹوں کے باغ ہیں انہوں نے پچھلے سال انہوں نے ڈیڑ ھ کروڑ روپے کے مالٹے ہی گفٹ کر دیئے تھے، انکا تعلق تو ایلیٹ کلاس سے ہے۔ تفصیلات کے مطابق نجی ٹی وی چینل کے پروگرام میں ملک میں بڑھتی
ہوئی بیروز گاری اور ملکی معیشی صورتحال پر تبادلہ خیال جاری تھا، گفتگو کے دوران دلچسپ صورتحال اس وقت پیدا ہوئی جس وقت ارشاد بھٹی کی جانب سے یہ انکشاف کیا گیا کہ معروف خاتون اینکر نے پچھلے سال ڈیڑھ کروڑ رو پے کہ مالٹے ہی بانٹ دیئے، ارشاد بھٹی کا کہنا تھا آپ دونوں خواتین یعنی پروگرام کی میزبان سعدیہ افضال اور پروگرام میں بطور تجزیہ کار شریک محمل سرفراز کا تعلق تو ایلیٹ کلاس ہے جبکہ ہمارا تعلق ( پروگرام میں شریک ارشاد بھٹی اور سینئر صحافی مجاہد بریلوی ) کا تعلق مڈل کلاس ہے ۔ ارشاد بھٹی کا کہنا تھا کہ محمل سرفراز کے مالٹوں کے باغات کی مالکہ ہیں، انہوں نے پچھلے سال ڈیڑھ کروڑ رو پے کہ مالٹے ہی گفٹ کر دیئے تھے۔ ارشاد بھٹی کی بات سُن کر محمل سرفراز سے بھی رہا نہ گیا اور انہوں نے ہلکے پھلکے انداز میں ارشاد بھٹی کے انکشاف پر رد عمل دیتے ہوئے کہا کہ در اصل ہوا یہ ہے کہ پچھلے سال میں ارشاد بھٹی کو مالٹوں کی پیٹیاں گفٹ کرنا بھول گئی تھی جس پر شاید وہ مجھ سے ناراض ہیں اور انہوں نے لائیو پروگرام میں ہی مجھ پر تنقید شروع کر دی ہے۔خیال رہے کہ ارشاد بھٹی اپنے انکشافات کی وجہ سے یوتھ میں کافی مشہور ہوچکے ہیں ، کچھ روز قبل ارشاد بھٹی کی جانب سے انکشاف کیا گیا کہ وزیر اعلیٰ پنجاب سردار عثمان بُزدار نے بھی دوسری شادی کر رکھی ہے اور انکے دوسرے سسرال والوں کے حوالے سے کافی خبریں سامنے آرہی ہیں، ارشاد بھٹی کے دعوے پر پنجاب حکومت کی جانب سے سینئر صحافی کو ہتک عزت کا نوٹس بھی بجوایا جا چکا ہے۔
