بھارتی ریاست گونڈا کے گندے ترین علاقے ’ آوس ویکاس‘سے گندگی کو دور کرنے کے لیے وزیر اعظم نریندر مودی نے صفائی مہم کا آغاز کردیا۔ آوس ویکاس بازاروں کے اعتبار سے کافی مقبول شہر ہے اسی لیے یہاںلوگوں کی آمد ورفت کا سلسلہ بھی لگا رہتا ہےلیکن اس کے باوجود یہاں کی حالت ناقابل برداشت ہے۔

یہاں کے مقامی لوگ اپنے علاقے کے سربراہ سےلاتعداد بار درخواست کر چکے ہیں کہ اس علاقےکوگندگی سے پاک کیا جائے لیکن تاحال اس سلسلے میں کوئی بھی اقدام نہیں کیے گئے ہیں۔ رواں سال مئی میں ہونے والےسروے میں بھارت کے 434 شہروں کا نام صفائی مہم میں شامل کیا گیا تھا تاہم اب تک اس پر عمل درآمد نہیں کیا گیا ہے۔ اے ایف پی سے بات کرتےہوئے ایک رہائشی کا کہنا تھا کہ ’ہر جگہ گندگی کے ڈھیر لگے ہوئے ہیں جس کی وجہ سے گھر سے باہر نکالنا مشکل ہوگیا ہے۔‘ انہوں نے مزید کہا کہ ’گندگی کے باعث مختلف قسم کی خطرناک بیماریاں بھی پھیل رہی ہیں، جو روز کا معمول بن گیا ہے۔‘

اس حوالے سے بھارتی وزیر اعظم نریندر مودی نےکہا ہے کہ صاف ستھرا بھارت گاندھی جی کا خواب تھا ، اس خواب کو پورا کرنے کے لیے صفائی مہم کا آغاز کیا گیا ہے اوربہت جلد بھارت کو گندگی سے صاف کیا جائے گا۔ ان کا مزید کہنا تھا کہ اگر ہم سب مل کر کام کریں تو ایک بڑی تبدیلی آسکتی ہے۔