کولکتا……پاکستان ٹی 20 کرکٹ ٹیم کے کپتان شاہد آفریدی نے کہا ہے کہ بھارت میں کھیل کرخوشی ہورہی ہے، کولکتامیں ہمارا ٹریک ریکارڈ اچھا ہے۔
کولکتاکے ایڈن گارڈن میں پریس کانفرنس کے دوران شاہد آفریدی کا کہنا تھا کہ ہم ذہنی اورجسمانی طورپرپرتیارتھے کہ بھارت میچ کھیلنے جائیں گے اور یہاں کھیل کر خوشی محسوس ہوری ہے۔انہوں نے کہا کہ ٹورنامنٹ کا پہلا میچ بہت اہم ہوتا ہے اور جیت کر اعتماد ملتا ہے، ہم بھارت میں اچھی کرکٹ کھیلیں گے۔
شاہد آفریدی کا کہنا تھا کہ بھارتی ٹیم اچھا کھیل رہی ہے اور ویرات کوہلی اور یووراج سنگھ نے ایشیا کپ میں اچھا پرفارم کیاشاہد آفریدی پریس کانفرنس کے دوران کافی مطمئن نظر آئے اور صحافیوں کے سوالات کے جوابات پراعتماد انداز میں دیئے۔اس سے قبل گرین شرٹس نے ایڈن گارڈنز میں بھرپور پریکٹس کی، اس موقع پر سیکورٹی کے سخت ترین انتظامات کیے گئے تھے۔ورلڈ ٹی20میں پاکستان کا پہلا میچ 16 مارچ کو ہو گا جبکہ پاکستان اور بھارت کے درمیان ایونٹ کا اہم ترین میچ ایڈن گارڈن میں 19 مارچ کو کھیلا جائے گا۔
