اسلام آباد( مانیٹرنگ ڈیسک) وزیر اعظم عمران خان کا کہنا ہے کہ آج کا دن ان لوگوں کے لئے ایک بہت مایوسی کا باعث ہوگا جو توقع کرتے تھے کہ اداروں کے تصادم سے ملک عدم استحکام کا شکار ہوجائے گا۔ ایسا نہیں ہونا چاہئے ہمارے اندرونی بیرونی دشمنوں اور مافیا کو خاص مایوسی کا
باعث ہونا چاہئے۔تفصیلات کے مطابق عدالتی فیصلہ آنے کے بعد سماجی رابطوں کی ویب سائٹ ٹوئٹر پر اپنے بیان میں وزیر اعظم عمران خان کا کہنا تھا کہ ’’آج کا دن ان لوگوں کے لئے ایک بہت مایوسی کا باعث ہوگا جو توقع کرتے تھے کہ اداروں کے تصادم سے ملک عدم استحکام کا شکار ہوجائے گا۔ ایسا نہیں ہونا چاہئے ہمارے اندرونی بیرونی دشمنوں اور مافیا کو خاص مایوسی کا باعث ہونا چاہئے‘‘۔ایک اور ٹویٹ میں وزیر اعظم نے کہا کہ ’’ مافیاس جنہوں نے بیرون ملک اپنی لوٹ کھسوٹ کو روک رکھا ہے اور ملک کو غیر مستحکم کرکے اس لوٹ کی حفاظت کے لئے کوشاں ہیں ‘‘ ۔ایک اور ٹویٹ میں وزیر اعظم نے کہا کہ ’’ریکارڈ کے لئے ، 23 سال پہلے ہم آزاد عدلیہ اور قانون کے حکمرانی کی وکالت کرنے والی پہلی پارٹی تھیں۔ 2007 میں ، تحریک انصاف عدلیہ کی آزادی کے لئے پیش پیش تھی اور مجھے اس کے لئے جیل بھیج دیا گیا تھا‘‘ ۔ایک اور ٹویٹ میں انہوں نے کہا کہ ’’اس کے علاوہ ، ریکارڈ کے لئے ، مجھے سی جے کھوسہ کے لئے سب سے زیادہ عزت ہے ، جو پاکستان کی طرف سے تیار کردہ سب سے بڑے فقہا میں سے ہے‘‘۔
