مسلم لیگ ن کے رہنماحنیف عباسی نے دعویٰ کیا ہے کہ عمران خان چار آف شور کمپنیوں کے مالک ہیں، جبکہ دانیال عزیز کا کہناہے کہ وزیر اعظم نے خود کو عدالت میں پیش کر دیا، عمران خان اپنی باری پر تلاشی نہیں دیتے۔

Imran Khan owns four offshore companies, Hanif Abbasi

مسلم لیگ ن کے رہنما حنیف عباسی اور دانیال عزیز نے سپریم کورٹ کے باہر میڈیا سے گفتگو کی۔ حنیف عباسی کا کہنا تھا کہ کوئی کام ایسا نہیں جو عمران اور جہانگیر نے کرائم کی صورت میں نہ کیا ہو، عمران خان کی زبان سے اخلاقیات کا درس اچھا نہیں لگتا۔ ان کا کہنا تھا کہ اب ہم عمران خان کو بھاگنے نہیں دیں گے، عدالت میں سنی سنائی پر بات نہیں ہو گی، ہمارے پاس ثبوت ہیں۔

دانیال عزیز کا کہنا تھا کہ وزیر اعظم نے خود کو عدالت میں پیش کر دیا، عمران خان اپنی باری پر تلاشی نہیں دیتے، یہ کیوں چھپ رہے ہیں؟کہاں گئی وہ دلیری؟کہاں گئی وہ شفافیت۔ انہوں نے کہا کہ ہم انہیں پکڑ پکڑ کر عدالت لائیں گے، یہ سند یافتہ چور ہیں اور آج یہ احتساب کا درس دے رہے ہیں۔