قومی احتساب بیورو نے محکمہ صحت خیبر پختونخوا میں وسائل کے غلط استعمال اور کوتاہیوں کی نشاندہی کی ہے اور محکمے کی کارکردگی بہتر بنانے کے لئے مختلف کمیٹیوں کی تجاویز پر مبنی سفارشات تیارکرکے صوبائی حکومت کو بھجوادی ہیں۔
Identified the misuse of resources in the KPK health Department
محکمہ صحت خیبر پختونخوا کی کارکردگی بہتر بنانے کے لئے نیب خیبر پختونخوا نے سفارشات مرتب کی ہیں۔ نیب اور محکمہ صحت کی کمیٹیوں کی مشاورت سے نیب رولز کے سیکشن 33 سی کے تحت مرتب کر دہ سفارشات صوبائی حکومت کو بھجوادی گئی ہیں۔جیو نیوز کو ملنے والی دستاویزات کے مطابق محکمہ صحت میں وسائل کے غلط استعمال اور ملازمین کے پرسنل فائلز غائب ہونے سمیت بہت سی کوتاہیاں سامنے آئی ہیں۔قومی احتساب بیورونے محکمہ صحت میں ہیومن ریسورس مینجمنٹ سسٹم کی ضرورت پر زور دیا ہے اور طبی عملے کے خلاف شکایات کےلئے آن لائن نظام متعارف کرانے، ڈاکٹر وں کی معائنہ فیس، ٹیسٹ اور دیگر سہولیات کے ریٹ مقرر کرنے اور تمام نجی وسرکاری اسپتالوں کے مریضوں کے مکمل آن لائن میڈیکل ریکارڈ کو یقینی بنانے کی سفارش کی ہے۔نیب نے یہ تجویز بھی دی ہے کہ ملازمین کا سروس اسٹرکچر اور جاب ڈسکرپشن واضح ہونا چاہیے۔ تمام نجی طبی مراکز اور کلینکس کو ہیلتھ کیئر کمیشن کے ساتھ رجسٹرڈ کرایا جائے اور تمام لوگوں کو ہیلتھ انشورنش کارڈ فراہم کئے جائیں۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
