آئی سی سی اینٹی کرپشن یونٹ کے سربراہ رونی فلینیگن نیشنل کرکٹ اکیڈمی لاہور پہنچ گئے۔ وہ ٹریبونل میں بطور گواہ پیش ہوں گے۔
ICC anti-corruption unit chief arrives in Lahore
ذرائع کے مطابق رونی فلینیگن پی ایس ایل اسپاٹ فکسنگ اسکینڈل کیس میں اہم بیان دیں گے اور سازش سے پردہ اٹھاکر شرجیل خان اور خالد لطیف کے خلاف گواہی دیں گے۔ پی ایس ایل ٹو کے آغاز میں سامنے آنے والے اسپاٹ فکسنگ اسکینڈل میں شرجیل خان، خالد لطیف، شاہ زیب حسن، محمد عرفان اور سہولت کاری کے ملزم ناصر جمشید بھی معطل ہوئے۔ کرکٹر خالد لطیف پر پی سی بی کوڈ آف کنڈکٹ کی 6 شقوں کی خلاف ورزی کا الزام ہے، جبکہ معطل کرکٹر شرجیل خان پر بھی 5 شقوں کی خلاف ورزی کا الزام ہے۔
محمد عرفان نے بکی کے رابطے کی اطلاع نہ کرنے کی غلطی تسلیم کرلی تھی،جس کے بعد انہیں سزا بھی سنائی جا چکی ہے، دیگر کے کیس ٹریبونل میں زیر سماعت ہیں۔ رونی فلینیگن کی سربراہی میں ہی آئی سی سی اینٹی کرپشن یونٹ نے یہ کیس پکڑا تھا جس کے بعد آئی سی سی اور پی سی بی کے درمیان معلومات کا تبادلہ بھی کیا گیا۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
