پیرس (یس اردو رپورٹ) تحریک انصاف فرانس کے مرکزی راہنما ابرار کیانی کا مستعفی ہونے والے وزیرخزانہ اسدعمرکوخراج تحسین پیش کرتے ہوئے کہنا تھا کہ ایک مہذب اورایماندار سیاستدان جنہوں نے وقتی خسارے پر مسائل کے حل کو ترجیح دی۔

انہوں نے کہا کہ اسد عمر بلاشبہ پاکستانی سیاست کا ایک انتہائی مدبرانہ اور دلنیشن چہرہ ہے جو وقتی سیاسی خساروں سے بالا تر ہوکر اپنے حریفوں کی باتوں کو بھی غور سے سنتے اور شائستگی کیساتھ اس کا جواب بھی دینا جانتے ہیں۔ پاکستانی سیاست میں ایسے  راہنمائوں کو ہمیشہ ترجیح دی جانی چاہیے۔

ان کا کہنا تھا کہ اسد عمر کے اس طرح کوئی عہدہ نہ رکھنے سے کارکنان میں مایوسی پھیلی ہے مگر وہ کارکنان سے کہنا چاہتے ہیں کہ اسد عمر انشااللہ تحریک انصاف کے ٹائیگرز کیلئے مشعل راہ بنے رہیں گے اور ان کی راہنمائی کرتے رہیں گے۔

ان کا کہنا تھا کہ پارٹی میں اسد عمر صاحب جیسے لوگوں کی موجودگی پارلیمنٹ کی شان ہے۔ ایک مثالی شخص جو وقتی سیاسی نقصان کو نظر انداز کر کے مسائل کو حل کرنے کی کوشش کرتے۔ حکومت اور تمام کارکنان ہمیشہ اسد عمر صاحب کی حمایت کرتے رہینگے۔