نیویارک…… بیسٹ سیلنگ ناول پر مبنی جادوئی کمالات سے بھرپور نئی فینٹیسی ایڈونچر فلم “مس پری گرائنزہوم فورپیکیولیرچلڈرن کا پہلاسنسنی خیز ٹریلر جاری کر دیا گیا ہے۔
ٹمِ برٹن کی ہدایت کاری میں بننے والی اس فلم کی کہانی ایک ایسے 16 سالہ لڑکے کے گِرد گھوم رہی ہے جو حادثاتی طور پر ایک پر اسرا جزیرے پر پہنچ جاتاہے جہاں غیر معمولی طاقتوں کے حامل یتیم بچوں کی ایک انوکھی دنیا بستی دیکھ کر یہ لڑکا حیران رہ جاتا ہے ۔اس جادوئی دنیا میں یہ لڑکا غیر معمولی طاقت کے مالک بچو ں کے ساتھ ملکر خطرناک بلاؤں اور بھوتوں کا مقابلہ کرتا ہے اور ان بچوں کی حفاظت کرتا ہے جس کے بعد یہ انوکھے واقعات اس کی زندگی تبدیل کر کے رکھ دیتے ہیں۔پیٹر چرنن اور جینو ٹوپنگ کی مشترکہ پروڈکشن میں بننے والی اس فلم میں معروف ہالی ووڈ اداکارہ اِیواگرین ایک جادوگرنی کے روپ میں دکھائی دیں گی جن کے علاوہ فلم کی دیگر کاسٹ میں اییسابٹرفیلڈ،ایلا پرنیل، ایلیسن جینی، ٹیرنس اسٹمپ،کِم ڈیکنز، روپرٹ ایوریٹ اور جوڈی ڈینچ شامل ہیں۔معروف امریکی ناول نگار Ransom Riggsکے ناول سے ماخوذ جادوئی کمالات پر مبنی یہ فلم ٹوینٹیتھ سنچری فاکس کے تحت 30ستمبر کو سنیما گھروں میں دھوم مچانے آرہی ہے
