عالمی شہرت کے حامل میگزین پلے بوائے نے عریاں تصاویر چھاپنے سے توبہ کی ہے ، تو ایک ایسے ہی دوسرے میگزین ھارپر بازار نے اس قبیحہ کام کو شروع کرنے کا اعلان کرتے ہوئے ، سپر ماڈل میرانڈا کیر کو پہلی ٹائٹل آئٹم بنایا ہے ۔سڈنی (نیٹ نیوز) ھارپر بازار میگزین ، پلے بوائے سے کہیں پرانا ہے ، اور یہ پہلی بار 1867 میں شائع کیا گیا تھا ۔ اس وقت یہ فیشن میگزین دنیا کے متعدد ممالک سے شائع کیا جاتا ہے اور اب عریاں اشاعت آسٹریلیا سے شائع ہونے والے ھارپر بازار کی ہو گی ۔ یاد رہے کہ پچھلے ہفتے 62 برس پرانے میگزین پلے بوائے نے اعلان کیا تھا کہ بے واچ بیب ، پامیلا اینڈرسن اس کی آخری روایتی اشاعت کی ماڈل ہو گی ، جس کے بعد وہ میگزین سے عریاں تصاویر ختم کر د ے گا ، تا ہم اب وہی کام آسٹریلیا کے ھارپر میگزین نے شروع کرنے کا اعلان کیا ہے ۔ اس اعلان کے بعد میگزین کی انتظامیہ کو ملے جلے رد عمل کا سامنا کرنا پڑ رہا ہے ، اور وہ خود اس سوچ میں ہیں کہ اس طرح کا نیا انداز پبلک میں کس طرح لیا جائے گا ۔ بنیادی طور پر وہ اس طرح کی عریاں تصویر کو ٹائٹل پر چھاپنے کے حوالے سے کافی تذبذب کا شکار ہیں ، لیکن ساتھ ہی اس کی تیاریاں بھی جاری ہیں ۔
پلے بوائے نے عریاں اشاعت ختم کر دی ، ھارپر بازار نے اپنا لی
