پیرس (نمائندہ خصوصی ) پیپلز پارٹی فرانس نے حقیقی تبدیلی کا آغاز کردیا۔ تحریک انصاف فرانس کے سینئر راہنما حاجی عامر شکیل پارٹی چھوڑ کر پیپلز پارٹی میں شامل ہوگئے۔ انہوں نے صدر پیپلز پارٹی فرانس چوہدری محمد رزاق اور سابق آرگنائزر برائےیورپ قاری فاروق احمد فاروقی کے ساتھ ملاقات میں پاکستان پیپلز پارٹی میں شمولیت اختیار کرلی۔
انہوں نے کہا ہے کہ بھٹو شہید نے پیپلز پارٹی کی بنیاد رکھ کر پاکستان میں حقیقی تبدیلی کی بنیاد رکھی تھی اور ایک ریڑھی بان ‘کسان اور پسے ہوئے طبقات کو اپنی پارٹی کے ٹکٹ پر اسمبلی جانے کا موقع فراہم کیا تھا اور آج آصف علی زرداری نے ایک غریب کرشنا کوہلی کو اپنی جماعت کی ٹکٹ سے اسے سنیٹر بنا کر بھٹو شہید کے مشن کو آگے بڑھایا ہے۔
عمران خان کی تبدیلی کا نعرہ محض ایک کھوکھلا نعرہ ہے اس نے تبدیلی کے نام پر سیاست کو غریبوں سے چھین کر اربوں پتیوں تک پہنچا دی ہے ممبر شپ کے نام پر جس طرح کروڑوں روپے تشہیری مہم پر خرچ کئے گئےاس سے تبدیلی بری طرح فلاپ ہوگئی ہے
