Gujranwala citizens

بسم اللہ کالونی کی ہما نے عابد سے پیسے مانگے تو دونوں میں لڑائی ہوگئی ، طیش میں آکر خود پر پٹرول چھڑک کر آگ لگا لی
گوجرانوالہ (یس اُردو) گوجرانوالہ میں عید کی شاپنگ کے لیے خرچہ مانگنے پر بیوی سے جھگڑے کے بعد شوہر نے مبینہ طور پرتیل چھڑک کر خود کو آگ لگا لی ، آگ لگنے سے متاثرہ شخص بری طرح جھلس گیا جسے طبی امداد کے لیے سول ہسپتال منتقل کر دیا گیا ۔ تھانہ سول لائن کے علاقہ بسم اللہ کالونی کے رہائشی محنت کش عابد کا اپنی بیوی ہما سے عید کی خریداری کے لیے خرچہ مانگنے پر جھگڑا ہوا جس پر محنت کش عابد نے طیش میں آکر مبینہ طور پر خود پر پٹرول چھڑک کے آگ لگا لی جس سے وہ شدید زخمی ہو گیا جس سے اس کے جسم کا ستر فیصد حصہ بری طرح جھلس گیا ۔ عابد کو طبی امداد کے لیے سول ہسپتال منتقل کیا گیا جہاں اسے ابتدائی طبی امداد کے بعد لاہور ریفر کر دیا گیا ۔ متاثرہ شخص عابد کا کہنا تھا کہ وہ محنت مزدوری کر کے اپنے گھر کا خرچہ چلاتا ہے ۔ اس کی بیوی نے اس سے عید کی شاپنگ کے لیے خرچہ نہ دینے پر لڑائی کی جس پر اس نے تیل چھڑک کر خود کو آگ لگا لی ۔