لاہور؛ بھارتی گلوکار میکا سنگھ خبروں میں رہنے کا فن جانتے ہیں اور یہی وجہ ہے کہ کبھی سلمان خان کیخلاف بیان دیتے ہیں تو کبھی پاکستان دشمنی پر اتر آتے ہیں۔اب اداکار نے سستی شہرت کیلئے نیا حربہ استعمال کیا لیکن یہ سب کرنا ان کو مہنگا پڑگیا ہے ۔
گزشتہ دنوں میکا سنگھ امریکی شہر ڈیلاس میں ایک شو میں شرکت کے بعد دبئی جارہے تھے جہاں انہوں نے جہاز سے ایک ویڈیو پوسٹ کی۔ویڈیو میں انہوں نے بتایا مائیکل جیکسن کہتا تھا کہ اکیلے سفر کرنا ہے تو میں نے بھی سوچا اکیلے سفر کیا جائے اور میں نے پوری بزنس کلاس بک کرالی ، مجھے یقین ہے کہ اب سب مشہور شخصیات میری پیروی کریں گی اور ٹرینڈ شروع ہوجائیگا، یہ سب کرنے کیلئے بڑا دل چاہیے اور صرف ایک ہی شیر ہے جو یہ سب کرسکتا ہے ، وہ میکا سنگھ ہے ۔گلوکار کی ویڈیو پوسٹ کرنے کے بعد انہیں کئی مداحوں نے آڑے ہاتھوں لیا اور صرف دولت کا دکھاوا قرار دیا۔میکا سنگھ کی ویڈیو منظر عام پر آنے کے بعد گلوکار شان بھی فیملی کیساتھ تفریح کیلئے گیمنگ ایریا گئے تو وہاں میکا سنگھ کی پیروڈی میں ویڈیو بنائی اور سوشل میڈیا پر شیئر کی جسے مداحوں نے بےحد پسند کیا ۔
