ٹیکنالوجی کمپنی گوگل نے بیرون ملک جانے والے تمام عملے کو واپس بلا لیا ،کہا پابندی کے بعد باصلاحیت اور ہنر مند افراد امریکا نہیں آسکیں گے ۔فیس بک کے بانی مارک زکربرگ نے اظہار تشویش کرتے ہوئے کہا کہ کئی دوسرے امریکیوں کی طرح وہ بھی تارکین وطن کی اولاد ہیں۔

ٹیکنالوجی کمپنی گوگل کا کہنا ہے کہ اس نے صدر ٹرمپ کی جانب سے سات مسلم ممالک کے شہریوں کے امریکا داخلے پر پابندی کے بعد اپنے اس تمام عملے کو واپس بلا لیا ہے جو بیرون ملک سفر پر ہیں۔

فیس بک کے بانی مارک زکربرگ نے ایک طویل پیغام میں لکھا ہے کہ وہ صدر کے اس حکم نامے پر کافی ’پریشان‘ ہیں کیونکہ وہ بھی کئی دوسرے امریکیوں کی طرح تارکین وطن ہی کی اولاد ہیں۔