ممبئی …..بالی ووڈ کی معروف اداکارہ دپیکا پڈوکون نے اپنی پہلی ہالی ووڈ فلم ٹرپل ایکس کی شوٹنگ کا آغاز کردیا ہے ،اسی سلسلے میں دپیکا کے خاص دوست رنویر سنگھ نے ان کے پہلے دن کی شوٹنگ کے لئے سوشل میڈیا پرنیک تمناؤں کا اظہار کیا ہے۔
ڈ ی جے کاروسو کی ہدایتکار ی میں بننے والی اس فلم میں دپیکا کے ساتھی اداکار ون ڈیزل نے بھی اپنے سوشل اکاؤنٹ پر شوٹنگ کے دوران دپیکا کے ساتھ لی گئی ایک ویڈیو بھی شئیر کی ہے، جس میں ون ڈیزل لوگوں سے مخاطب ہوکر کہہ رہے کہ بی ریڈی فار انٹر ٹین اور دپیکا وکٹری کا سائن بنا کر خوشی کا اظہار کر رہی ہے۔واضح رہے اس فلم میں دپیکاSerena کے کردار میں جلوہ گر ہوں گی، جس کے لئے انہوں نے کافی محنت بھی کی ہے،امید کی جارہی ہے کہ یہ فلم اگلے سال ریلیز کردی جائے گی۔
